អរគុណសន្តិភាព! អរគុណនយោបាយ ឈ្នះ ឈ្នះ! ដឹងគុណជានិច្ច ស្ថាបនិកមគ្គទេសក៍ឯក និងប្រតិបត្តិករនយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ! ព្រឹកថ្ងៃសុក្រ ៩ កើត ខែអស្សុច ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១១ ខែតុលា ឆ្នាំ ២០២៤ ថ្នាក់ដឹកនាំ យោធាចារ្យ បុគ្គលិកអប់រំ និងនិស្សិតនៃមហាវិទ្យាព័ត៌មានវិទ្យា នៃសាកលវិទ្យាល័យការពារជាតិបានទៅទស្សនកិច្ចសិក្សានៅវិមានឈ្នះឈ្នះ ដើម្បីសិក្សាស្វែងយល់អំពីនយោបាយឈ្នះឈ្នះ ដែលជាយុទ្ធសាស្ត្របញ្ចប់សង្គ្រាមដោយគ្មានការបង្ហូរឈាម និងគ្មានអ្នករងគ្រោះពោលគឺខ្មែរឈ្នះទាំងអស់គ្នា។