នាព្រឹកថ្ងៃសុក្រ ១១ កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែកុម្ភៈ ឆ្នាំ២០២៦ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិ បានផ្ដល់កិត្តយសដ៏ខ្ពង់ខ្ពស់អញ្ជើញប្រគល់វិញ្ញាបនបត្របញ្ជាក់ការសិក្សា របស់សាលាភូមិន្ទរដ្ឋបាល ជូនដល់បុគ្គលិក និងសិក្ខាកាម សាកលវិទ្យាល័យការពារជាតិ ដែលបានបញ្ចប់ការសិក្សានៅសាលាភូមិន្ទរដ្ឋបាលក្នុងឆ្នាំ២០២៥ ដោយជោគជ័យកន្លងមក។ សូមគូសបញ្ជាក់ផងដែរថា សាលាភូមិន្ទរដ្ឋបាល នៃក្រសួងមុខងារសាធារណៈ បានចុះអនុស្សរណៈយោគយល់គ្នា (MOU) ជាមួយ សាកលវិទ្យាល័យការពារជាតិ ស្តីពី «ការបង្កើតកិច្ចសហប្រតិបត្តិការបណ្តុះបណ្តាល និងលើកកម្ពស់សមត្ថភាពយោធិន» កាលពីថ្ងៃទី០៤ ខែកញ្ញា ឆ្នាំ២០២៤។