នាព្រឹកថ្ងៃច័ន្ទ ១៣ រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ យោងតាមអនុស្សរណៈនៃការយោគយល់គ្នារវាងក្រសួងសេដ្ឋកិច្ច និងហិរញ្ញវត្ថុ និងសាកលវិទ្យាល័យការពារជាតិ នៅព្រឹកថ្ងៃច័ន្ទ ទី១៦ ខែមីនា ឆ្នាំ២០២៦ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិ បានដឹកនាំប្រតិភូ និងនិស្សិតសាកលវិទ្យាល័យការពារជាតិចំនួន ៦០ រូប ដោយក្នុងនោះ៣០រូបបានបញ្ចប់ការសិក្សាឆ្នាំ២០២៥ និងនិស្សិត ៣០ រូបផ្សេងទៀតត្រៀមចូលសិក្សាឆ្នាំ២០២៦ ចូលរួមកម្មវិធីបិទវគ្គបណ្តុះបណ្តាល និងពិធីចែកវិញ្ញាបនបត្រ ព្រមទាំងបើកវគ្គសិក្សាថ្មីឆ្នាំ២០២៦ ស្ដីពីវគ្គបណ្តុះបណ្តាលជំនាញបច្ចេកទេសកម្រិតវិញ្ញាបនបត្រផ្សារភ្ជាប់មុខតំណែង (Certificate Program) នៅវិទ្យាស្ថានសេដ្ឋកិច្ច និងហិរញ្ញវត្ថុ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ។