ចាប់ពីថ្ងៃទី១០ ដល់ថ្ងៃទី១២ ខែមីនា ឆ្នាំ២០២៦ សាកលវិទ្យាល័យការពារជាតិបាននឹងកំពុងប្រឡងបញ្ចប់វគ្គសិក្សាចំនួន ៤ នៃឆ្នាំសិក្សា ២០២៥-២០២៦ រួមមាន៖ ១. វគ្គបណ្តុះបណ្តាលបរិញ្ញាបត្រព័ត៌មានវិទ្យា ជំនាន់ទី៨ ២. វគ្គបណ្តុះបណ្តាលបរិញ្ញាបត្រភស្តុភារយោធា ជំនាន់ទី១១ ៣. វគ្គបណ្តុះបណ្តាលបរិញ្ញាបត្រហិរញ្ញវត្ថុយោធា ជំនាន់ទី១ និង៤. វគ្គបណ្តុះបណ្តាលបរិញ្ញាបត្រអប់រំចិត្តសាស្រ្តយោធា ជំនាន់ទី១១ ក្រោមការដឹកនាំ និងត្រួតពិនិត្យដោយផ្ទាល់យ៉ាងតឹងរឹងពីសំណាក់ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិ ដើម្បីធានាឱ្យបាននូវវិន័យ គុណភាព តម្លាភាព និងយុត្តិធម៌នៃការប្រឡង។