នាថ្ងៃសុក្រ ១៤ កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី០៨ ខែសីហា ឆ្នាំ២០២៥ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិ បានអញ្ជើញត្រួតពិនិត្យ និងសួរសុខទុក្ខក្រុមគ្រូពេទ្យស្ម័គ្រចិត្តសាកលវិទ្យាល័យការពារជាតិ ដែលបាននឹងកំពុងជួយជនភៀសសឹកដែលកំពុងជ្រកកោនបណ្ដោះអាសន្ន នៅវត្តបាត់ថ្កៅ ភូមិបាត់ថ្កៅ ឃុំចុងកាល់ ស្រុកចុងកាល់ ខេត្តឧត្តរមានជ័យ។ ឆ្លៀតក្នុងឱកាសនេះ ឯកឧត្ដម សាកលវិទ្យាធិការ ក៏បានដឹកនាំក្រុមការងារធ្វើអនាម័យ និងសម្អាតបរិស្ថាននៅជុំវិញទីតាំងស្នាក់នៅរបស់ជនភៀសសឹក ជាពិសេសក្រោយពេលបងប្អូនជនភៀសសឹកមួយចំនួនបានត្រឡប់ទៅគេហដ្ឋានវិញក្រោយមានបទឈប់បាញ់កាលពីថ្ងៃទី២៨ ខែកក្កដា ឆ្នាំ២០២៥ កន្លងទៅ។