នាព្រឹកថ្ងៃសុក្រ ១១ កើត ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី០៣ ខែតុលា ឆ្នាំ២០២៥ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិ បានឆ្លៀតពេលដ៏មមារញឹក អញ្ជើញជួបសំណេះសំណាលជាមួយយោធាចារ្យ និងបុគ្គលិកអបរំទាំងអស់នៃសាកលវិទ្យាល័យការពារជាតិ ដើម្បីផ្សព្វផ្សាយ ក៏ដូចជាពន្យល់ពីសភាពការណ៍ដែលកំពុងវិវត្តថ្មី និងជាពិសេសស្ដាប់ដើម្បីចូលរួមចំណែករកវិធីដោះស្រាយកិច្ចការស្ដីពីសុខមាលភាពរបស់យោធាចារ្យ និងបុគ្គលិករបស់សាកលវិទ្យាល័យការពារជាតិ។