នាព្រឹកថ្ងៃព្រហស្បតិ៍ ៤ កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកុម្ភៈ ឆ្នាំ២០២៦ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិបានទទួលជួបលោក វរសេនីយ៍ទោ Olivier Legrand (អូលីវីយេ លេហ្គ្រង់) ប្រធានបេសកកម្មសហប្រតិបត្តិការផ្នែកការពារជាតិបារាំង ប្រចាំព្រះរាជាណាចក្រកម្ពុជា ដើម្បីពិភាក្សាស្វែងរកលទ្ធភាពក្នុងការពង្រីកកិច្ចសហប្រតិបត្តិការរវាងសាកលវិទ្យាល័យការពារជាតិ និងមហាវិទ្យាល័យការពារជាតិបារាំង ទៅលើការបណ្ដុះបណ្ដាលនៅមហាវិទ្យាល័យការពារជាតិកម្ពុជាលើផ្នែកភូមិសាស្រ្តនយោបាយ ភាពជាអ្នកដឹកនាំ និងការធ្វើផែនការយុទ្ធសាស្រ្ត និងប្រតិបត្តិការ។