នាថ្ងៃសុក្រ ៧ កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី០១ ខែសីហា ឆ្នាំ២០២៥ ដើម្បីជាការលើកទឹកចិត្ត ក៏ដូចជាដើម្បីបង្ហាញពីសាមគ្គីភាពរវាងកងទ័ពជួរក្រោយ ជាមួយវីរៈជនការពារព្រំដែនជួរមុខ ឯកឧត្ដម ឧត្ដមសេនីយ៍ឯក ដោក សុផា សាកលវិទ្យាធិការ សាកលវិទ្យាល័យការពារជាតិបានដឹកនាំ ថ្នាក់ដឹកនាំ យោធាចារ្យ បុគ្គលិកសាកលវិទ្យាល័យការពារជាតិ នាំយកនូវសម្ភារៈ ក៏ដូចជាគ្រឿងឧបភោគ បរិភោគជូនដល់កងពលធំអន្តរាគមន៍លេខ៣ និង៤វរសេនាតូចការពារព្រំដែន នៃទិសយោធភូមិភាគទី៤ផងដែរ។